بنت  الاسلام:السلام عليكم ورحمة الله وبركاته

 حمادة   :وعليكم السلام ورحمة الله وبركاته

 بنت الاسلام:مش هقولك عرف نفسك ياحمادة

 لانك بالتأكيد في غني عن التعريف

 حمادة :ربنا يخليكي يا أستاذة فاطمة

بنت الاسلام: وحقيقي  أنا مش جاية النهاردة علشان اتكلم عن

 حمادة زيدان
 لا
 

 انا حابة اتكلم عن حمادة زيدان الصعيدي الي من اهل المنيا 

 حمادة:أوك وانا مستعد

 بنت الاسلام: حمادة  هسالك شوية اسئلة اتمني تجاوبني عليهم بكل صدق اولا

 مين هو الصعيدي؟؟؟ لخصهولي  في كلمات قليلة

  حمادة: الصعيدي هو من يولد في مدينة من مدن ما بعد الجيزةأما عن  الصعيدي كشخصية هو الصعيدي الراجل الي لسة عارف عاداته وتقاليده الطيب وبس     

 
  بنت الاسلام:حمادة  بدون احراج ولازعل  في ناس كتير انا منهم بتعرف الصعيدي  بالعمة والجلبية والبندقية  ونشفان الدماغ واللغة الصعيدية 
المعروفة ديه صورة الصعيدي عندهم
 ياتري ديه فعلا صورة الصعيدي 
  ولا كانت صورته واتغيرت ولاعمرها ماكانت صورته اصلا؟؟؟؟؟؟؟
   
  

      حمادة: انا هاكلمك على اللي أعرفه الصعيدي الي انا عايشه من غير جلابية ولا بندقية وعلي الاقل في المدينة مفيش المناظر ديه   

   أما عن الأرياف انا فعلا نزلت كام قرية ولقيت فعلا الجلابية موجودة والسلاح موجود وتقفيل الدماغ موجود بس في الناس الكبيرة اما عن الشباب  بيكونوا زي  شباب المدينة  الجينز والتيشرت الزي الرسمي
 

  بنت الاسلام: حمادة انت قلت ان الكلام ده موجود عند الناس الكبار يعني الجيل القديم افهم من كلامك ده ان في تغيير كبير حصل لاهل الصعيد وان الظاهرة ديه قد تختفي تماما في الاجيال الي جاية؟؟؟

 
  حمادة: طبعا التعليم والجامعة  بتغير كتير جدا وكمان الظروف في مصر كلها واحدة 

بنت الاسلام:حمادة  المرأة الصعيدية بالجلباب الاسود والبيشة   ووجودها الدائم في البيت  هي ديه صورتها عند كتير من الناس

 الي اي مدي هذه الصورة صحيحة؟

حمادة: لا طبعا المراة عندنا جميلة قوي وأشيك الموديلات موجودة عندنا والجامعة مليانة بنات والوظايف مليانة بنات أختي متوظفة

 وعمتي متوظفة  

  
   بنت الاسلام: تقدر تقول ان ديه حالة عامة في الصعيد كله
 ولا لازالت صورة المرأة القديمة موجودة
 وليها اثر واضح
 

حمادة: لا طبعا الصورة القديمة اختفت حتي من الستات الكبيرة

بنت الاسلام:نيجي لاهم جزء بالنسبة لي شخصيا ..التار ولا العار..كلمة بنسمعها كتير قوي من اهل الصعيد اولا اب افهم اي هو التار ايه السبب الي يخلي القتل والدمار يبقي شيء مستباح عندكم ومشروع كمان؟؟

 حمادة: التار في الصعيد انا عن نفسي ما شفتوش بس سمعت عنه انه كان موجود في القري زمان 
 

بنت الاسلام:حمادة  يعني انت عاوز تقول انها كانت عادة وانتهت

  دي بقي موجودة وانا كنت في المستشفي يوم كان في واحد في القسم العادي جاي مضروب رصاصتين وسألت أمه وأخته هو ليه مصاب
 قالتلي واحد كان علية تار وقعد ساكت بتاع خمس سنين
  بعد كدة البلد كلها قعدت تزل فيه
  راح ماسك السلاح وضرب النار في أهل التار
  وكان الراجل المصاب من وسط الناس إللي أنضربت

 بنت الاسلام:لكن المصاب نفسه مالوش علاقة بالتار؟؟

حمادة: لا كان من جيران اللى عليه التار

  وكان قاعد صدفه مع جيرانه

بنت الاسلام: حمادة تتوقع ان التار ممكن ينتهي وخاصة ان الاجيال الجديدة بدأت تتعلم وتفهم

حمادة:بصراحة لا     لأنه حاجة في الدم
 

بنت الاسلام: حمادة رايك الشخصي معاه ولاضده بكل صراحة

 حمادة:مش معاه طبعا

ً
 بنت الاسلام:ده رايك لوحدك ولا راي اغلب شباب الصعيد
 
الي انت تعرفهم؟؟

  حمادة:لا أعرف شباب كتير أوى ممكن يعملوا أكتر من التار كمان
 وممكن تلاقي شباب من القاهرة بنفس العقلية التار لسة في دمهم

 
بنت الاسلام: يبقي اكيد اصولهم صعيدية

 حمادة: انا على ما أعتقد ده طبع عام
  يعني في شاب نرفوز  وشاب مش بيتنرفز
  مش حكاية صعيدي أو مش صعيدي

بنت الاسلام: لا ازاي ياحمادة  ازاي انسان يعطي لنفسه الحق انه يقبض روح انسان دي شريعة غاب ياحمادة
 مش شريعة  ربنا  ابد ا انت انسان متعلم وواعي ودارس قانون وتعرف تحترمه ماعلينا ياحمادة انا مش حكم علي عادات الصعيد  المهم

يعني من وجهة نظرك صعب ان عادة التار تنتهي في الصعيد؟؟

 حمادة:صعب جدا

بنت الاسلام: حمادة  عاوزاك توصفلي احساسك بجد  لما بتسمع نكتة عن الصعايدة وما اكثرها

  بتضحك
 بتتضايق
 بتتنرفز وتتعصب
 اختار؟؟

حمادة:بضحك طبعا  تعرفي هاقولك حاجة

  المنتصر بالله  فاكرة المشهد اللى كان عن الصعيد في مسرحية شارع محمد علي وقال نكت كتير عن الصعيد

 
 
بنت الاسلام:اه

  حمادة:تعرفي المنتصر بالله منين؟

 بنت الاسلام:لا
 معرفش
 منين؟؟

  حمادة:من المنيا
 يعني صعيدي بيقول نكت عن الصعايدة احنا عندنا متقبلين الكلام ده قوي عمرك  شفتي دماغ بالحلاوة دى
 

 بنت الاسلام: لا طبعا الصعيدي مش مقفل اهو

  زي ما احنا مقتنعين

 حمادة

 الكلمات ديه بتقولها

 ولد العم

 بوي
 ااابااااي

 جاااي

وين هنادي  يا  اماااي
حمادة: ههههههههههههههههههههههه
 لا والله مفيش الكلام ده

بنت الاسلام:ياحمادة قول الحق

حمادة : هاقولك حاجة

 تقفيل الدماغ أعترف موجود فى الصعيد  بس ده يرجع لحاجة منطقية جدا للعادات والتقاليد   يعني مخنا بيقفل ساعات بس مش كتير
     
بس تقفيل الدماغ زي وين هنادي يا امااي  مش موجود دلوقتي خالص  بس ممكن يكون موجود في القري  أقل من الفيلم بكتير

   أحنا كصاعيدة عايشين أكتر متمسكين بعادتنا وتقاليدنا 

بس برضة في صعايدة دماغهم متقفلة جدااااااااااااااااااااا
وبصراحة يستاهلوا النكت

بنت الاسلام:حمادة الصعيدي كريم

حمادة: من ناحية الكرم
 تفرق في القرى عن المدن الصعيدي اللى من المدينة   كريم بس مش  اوى  أما صعايدة القري  فدول ممكن يدبحوا كل اللى في بيتهم  علشان يأكلوا الضيف

  بنت الاسلام: حمادة  عندكم  مسيحيين في الصعيد   ايه حقيقة الصراع بين المسلمين والمسيحيين يا حمادة   بنسمع كل فترة كدة  عنه هو في ايه

؟؟؟؟؟؟؟؟؟
والبقية

في البوست القادم