مرة واحد صعيدي كان قاعد مع…………
التار ولا العار
بوي …….جاااااي……..
.وين هنادي يا مااااااي..
.ولد العم (كسرة تحت الواو)
تقفيل الدماغ
السلاح
الدم
صراحة
هو ده الصعيدي الي انا اعرفه..و.بسمع عنه.و..بشوفه…
لغاية مارحت مدونة …شاب من الصعيد
حمادة زيدان.
http://hamadazedane.maktoobblog.com/
.لاقيته مش كدة شاب عادي زيي وزيك
استغربت…مش هو ده الصعيدي الي انا اعرفه
مش هي دي الصورة الي في خيالي
قلت لا
لازم أفهم
و
كان هذا الحوار
بنت الاسلام:السلام عليكم ورحمة الله وبركاته
حمادة :وعليكم السلام ورحمة الله وبركاته
بنت الاسلام:مش هقولك عرف نفسك ياحمادة
لانك بالتأكيد في غني عن التعريف
حمادة :ربنا يخليكي يا أستاذة فاطمة
بنت الاسلام: وحقيقي أنا مش جاية النهاردة علشان اتكلم عن
حمادة زيدان
لا
انا حابة اتكلم عن حمادة زيدان الصعيدي الي من اهل المنيا
حمادة:أوك وانا مستعد
بنت الاسلام: حمادة هسالك شوية اسئلة اتمني تجاوبني عليهم بكل صدق اولا
مين هو الصعيدي؟؟؟ لخصهولي في كلمات قليلة
حمادة: الصعيدي هو من يولد في مدينة من مدن ما بعد الجيزةأما عن الصعيدي كشخصية هو الصعيدي الراجل الي لسة عارف عاداته وتقاليده الطيب وبس
بنت الاسلام:حمادة بدون احراج ولازعل في ناس كتير انا منهم بتعرف الصعيدي بالعمة والجلبية والبندقية ونشفان الدماغ واللغة الصعيدية
المعروفة ديه صورة الصعيدي عندهم
ياتري ديه فعلا صورة الصعيدي
ولا كانت صورته واتغيرت ولاعمرها ماكانت صورته اصلا؟؟؟؟؟؟؟
حمادة: انا هاكلمك على اللي أعرفه الصعيدي الي انا عايشه من غير جلابية ولا بندقية وعلي الاقل في المدينة مفيش المناظر ديه
أما عن الأرياف انا فعلا نزلت كام قرية ولقيت فعلا الجلابية موجودة والسلاح موجود وتقفيل الدماغ موجود بس في الناس الكبيرة اما عن الشباب بيكونوا زي شباب المدينة الجينز والتيشرت الزي الرسمي
بنت الاسلام: حمادة انت قلت ان الكلام ده موجود عند الناس الكبار يعني الجيل القديم افهم من كلامك ده ان في تغيير كبير حصل لاهل الصعيد وان الظاهرة ديه قد تختفي تماما في الاجيال الي جاية؟؟؟
حمادة: طبعا التعليم والجامعة بتغير كتير جدا وكمان الظروف في مصر كلها واحدة
بنت الاسلام:حمادة المرأة الصعيدية بالجلباب الاسود والبيشة ووجودها الدائم في البيت هي ديه صورتها عند كتير من الناس
الي اي مدي هذه الصورة صحيحة؟
المزيد
ـــــــــــــــــــــــــــــــــــــــــــــــــــــــــ
التصنيفات : غير مصنف |
